رواية خادمة في قصر أبي

محمود صرخ فجأة وقال:- بابا وجري عليه الكل واقف مزهول من اللي بيحصل وإزاي سالم وقع فجأة
سليم جري عليه وقال: جدي
سالم هتح عينه وهو بينهج وبيقول: خلاص وقعنا يا سليم خلاص بقينا شحاتين
سليم: لا يا جدي متقولش كدا أنا هتكلم معاها وهتساعدنا إحنا عليتها
مني: اية اللي انت بتقوله دا يا سليم وبعدين انت هتاخد على قول الراجل دا كبر وخرف هو أية اللي بقينا شحاتين

محمود بتشفي: يعني زي ما سمعتي كدا مبقاش معانا ناكل خلاص كان فية وخلص
شاهي حطت اديها على بوقها وبقت تهز رأسها بالنفي وهي يتقول جواها: يعني اية افلسنا اكيد في حاجة غلط اكيد مش أنا السبب هي السبب أيوة هي السبب في كل حاجه بس أكيد عمران مش هيسيبنا اكيد هيقف جمبنا هو بيحبني وعمره ما بتخلي عني
سليم كلم الإسعاف وبيحاول مع سالم ميغمضش لكنه تاه منه وأغمي عليه
الإسعاف جت أخدت سالم وكلهم راحوا وراه المستشفى ماعدا مني وشاهي
شاهي: هنعمل اية يا مامي في المصيبة دي
مني: تعملوا يا روحي مش هنعمل انا مقدرش اعيش في مستوي أقل من مستوايا خليكم انتوا هنا بقي وأنا هطلع ألم هدومي وعلى بيت بابي

شاهي بصدمة: طب وإحنا
مني بلا مبالاة: عندكم أبوكم اهو مش بتحبوه خليكم معاه هو والعجوز اللي مش بيجي من وراه غير المصايب وسابتها ومشيت

شاهي قعدت بصدمة معقول أمها تتخلي عنها كدا بس لما فكرت شوية اكتشفت إن أمها متمسكتش بيها أبدا ولا كانت أم ليها علطول خروج وسفر ولما كبرت بقت تملي دماغها بالموضة والحفلات والسهر

فكرت في فتون وحياتها وبدأت تقارن بينها وبين نفسها أكتشفت إنها صغيرة أوي
شاهي: بس هي برضوا فضحتني و
عقلها:- فضحتك اية دا ما كان إلا رد فعل للي انتي عملتية انتي هتكدبي الكدبة وتصدقيها بدأت تفكر حياتها هتبقي إزاي بعد كدا

—— اذكروا الله
فتون بسخرية: لو جاي تصلح اللي صاحبك وعيلتة عملوه يبقي تخرج بره افضل
عمران:- بصلها واتنهد وقال: فضيت الشراكة معاه
فتون باستغراب: اومال انت جاي لية
عمران بص في عيونها بحب وقال: تتجوزيني
فتون بزهول: انت بتقول اية
عمران: انا طالب ايدك على سنه الله ورسوله موافقة تتجوزيني
فتون بصت لـ فاطمة اللي هزت رأسها بنعم وقالت: وافقي يا فتون وافقي خلي الفرح يدخل بيتنا بقي وافقي خليكي تلاقي ظهر وسند بصت لـ عمران وقالت: اوعدني إنك تعوضها عن كل اللي شافته اوعدني تاخد بالك منها كويس اوعدني لو وافقت تعاملها بما يرضي الله
عمران باس على اديها وقال: بنتك سكنت قلبي من أول ما شفتها صحيح علمت عليا لكن دا زاد من حبي ليها اوعدك اخليها تكون مبسوطة دايما
عمران وفاطمة بصوا لـ فتون وفتون قالت بهدوء: خطوبة بس
عمران فرح جدا وقال: اللي انتي عاوزه وفاطمة بدأت تزرغط وفرحانة لـ بنتها جدا
—– اذكروا الله
محمود وسليم مع سالم في المستشفى مستنين الدكتور يخرج من عنده
محمود: هما اتاخروا كدا لية جوه
سليم: مش عارف مش عارف
بعد ساعة الدكتور خرج وبص لـ محمود وهز رأسه وقال: للأسف جلطة على القلب أدت لـ شلل نصفي
محمود غمض عينه جامد وسليم ضرب الحيطة وهو بيقول: يا رب.
رباااه الآن فقد تذكرت ربك ؟